Ivi er nú eisini komin fram í Javnaðarflokkinum um ætlanirnar at broyta lógina um gongd í haga og burðardygga ferðavinnu.
Tað segði Ben Arabo, tinglimur fyri Javnaðarflokkin, í Løgtinginum í dag.
– Føroyingar skulu ikki gjalda fyri at ganga í haga, segði hann.
Í ólavsøkurøðuni boðaði løgmaður frá, at samgongan fer at endurskoða lógina um burðardygga ferðavinnu. Samstundis er ætlanin at avtaka burðardygdargjaldið á 20 krónur fyri hvørja gistinátt hjá ferðafólki.
Longu fyrr í dag kom fram, at Sambandsflokkurin og Fólkaflokkurin eru ósamdir um, hvussu lógin skal broytast. Helgi Abrahamsen úr Sambandsflokkinum hevur sagt, at flokkurin fer ikki at taka undir við at rulla lógina aftur, meðan Jørgen Niclasen úr Fólkaflokkinum hevur talað fyri broytingum.
Nú bendir nógv á, at heldur ikki Javnaðarflokkurin hevur eina greiða felags støðu.
Ben Arabo segði í tinginum, at hann hevur fyrivarni um tær broytingar, sum landsstýrið leggur upp til.
Harvið tykist enn ógreitt, hvussu framtíðarreglurnar um gongd í haga og ferðavinnu fara at síggja út.
