Siður er, at skipað verður fyri nýggjársbáli á Glaðsheyggi í Havn. Tað bálið plagar at vera so stórt, at tað sæst um allan býin.
Ein í grannalagnum, sum skipar fyri er sjálvur borgarstjórin Heðin Mortensen. Hann sigur, at bálið verður tendrað klokkan 22.
Ein annar granni, Heri Mørkøre, fer at halda røðu, og Kim Hansen fer at spæla.
Fyrireikarar minna fólk á at flyta burtur parkeraðar bilar.
