Ein atkvøða til sambandsflokkin er eitt ja til ríkisfelagsskapin og harvið ja til framhaldandi samstarv við Danmark, sum vit hava samstarvað við í 600 ár. Eitt fólkatingsumboð hjá sambandsflokkinum fer framhaldandi at varðveita og menna vælferðarsamfelagið Føroyar innan karmarnar í ríkisfelagsskapinum. Eitt sambandsumboð á fólkatingi fer at arbeiða við at fáa heimastýrislógina dagførda soleiðis, at hon verður orðað við umhugsni bæði fyri tí menningini, sum hevur verið, síðan hon kom í gildið, og í samsvar við viðurskiftini, sum tey eru í dag.
Sum nýskipanaruppskotið hjá Sambandsflokkinum sigur: vit skulu greiða ríkisrættarligu viðurskiftini, har tey eru ógreið.
Eg eri ein av teimun, sum havi tað áskoðan, at vit alla tíðina hava ment okkum sum samfelag, tí vit eru í ríkisfelagskapi við Danmark.
Føroya Fólk vil framhaldandi varðveita vælferðarsamfelagið Føroyar, tað krevur at vit fáa umboðan á fólkating fyri framhaldani at menna samstarvið millum londini í ríkinum.
Vilt tú verða við at geva komandi ættarliðum fjølbroyttar møguleikar í altjóða høpi, so vel sambandsflokkin; hann gevur tær møguleikan.
