Tað gekk heldur ikki í dag hjá føroyska U17 landsliðnum í hondbólti at fáa stig í Nordic Open kappingini.
Í stórhøllini við Tjarnir taptu Føroyar í dag 21-26 fyri Týsklandi. Tó vunnu Føroyar seinna hálvleik 11-10, tí Týskland var á odda 16-10 í steðginum.
Toppskjúttar hjá Føroyum vóru Boas Ellefsen á Skipagøtu við sjey málum, og Hákun Rask Olsen við fimm málum.
Fyrr í dag vann Ísland 34-30 (17-19) á Sveis.
Aftaná tvey umfør er Ísland fremst við fýra stigum. Sveis og Týskland hava tvey stig hvør. Føroyar eru aftast við ongum stigi.
Sunnudagin 8. juni Við Tjarnir:
Klokkan 10.00 Týskland – Ísland
Klokkan 16.00 Føroyar – Sveis
HER ber til at síggja dómaraseðilin frá dystinum millum Føroyar og Týskland:
##med2##
