Lynsey de Paul var 64 ár nú hon doyði av heilabløðing mikudagin.
Hon umboðaði Stórabretland í Grand Prix kappingini í 1977 við lagnum Rock Bottom, ið fekk 2. pláss.
Hon hevði fimm singleplátur á enska Top 20 í sjeytiárunum og lagið Sugar Me náddi í 1972 ovastu røkur á listunum í Spania, Hollandi og Belgia.
Hon var fyrsta kvinna, ið fekk sangskrivaraheiðurin The Ivor Novello Award.
Lynsey de Paul giftist ongantíð, men hevði tøtt sambond við eittnú Sean Connery, James Coburn og Ringo Star.
