Føroyar eru í finalu í Emerging Nation Cup. Hetta er greitt eftir hálvfinalusigur ímóti vertstjóðini Kosovo.
Endaliga úrslitið gjørdist 31-23 til Føroyar. Dysturin var tó nógv javnari enn úrslitið bendir á. Føroyar vóru á odda 13-11 í hálvleikinum. Í seinna hálvleiki megnaði Kosovo at leggja seg á odda 21-20, men síðani trumlaði føroyingarnir heimaliðið seinastu minuttirnar og vunnu sum sagt 31-23.
Úrslitið merkir, at Føroyar eru í finaluni í Emerging Nations Cup. Hetta má sigast at vera eitt bragd eftir mong ár, har manslandsliðið í hondbólti hevur ligið stilt.
Finalan verður leikt klokkan 16.30 í morgin ímóti Lettlandi.
Hesir skoraðu málini hjá Føroyum ímóti Kosovo:
Hans Eli Sigurbjørnsson 9
Tróndur Kragesteen 5
Áki Egilsnes 5
Rókur Akralíð 4
Rósing Rasmussen 2
Andrias Eriksen 2
Tony Weyhe 2
Allan Norðberg 1
Kjartan Johansen 1
