Soleiðis siga tey í Vestmanna kommunu í dag.
Í farnu setu samtykti tekniska nevnd eina langtíðarætlan yvir gøturnar í Vestmanna.
- Í ætlanini varð staðfest í hvørjum standi, hvør gøta var og í hvørjari raðfylgju, tær skuldu umvælast.
Í Vestmanna kommunu siga tey, at hildið hevur verið fast í hesari raðfesting, og nú er túrurin komin til Garðagøtu. Garðagøta, sum gongur úr Garðatúni oman á Toftaveg, er í sera ringum standi.
- Tí verður gøtan nú grivin upp og gjørd av nýggjum - við nýggjum undirlagi og asfalti. Longdin á gøtuni er beint omanfyri 100 metrar.
Tá Garðagøta er liðug, eru allar gøturnar umvældar, har størri arbeiði krevst.
- Síðani verður farið undir tær gøturnar, ið krevja smærri umvælingar og viðlíkahald - eftir somu langtíðarætlan, verður lagt aftrat.
