Grannarnir hjá Valhøll í Syðrugøtu mótmæla at kommunan hevur givið Grót loyvi at gera eina tónleikamiðstøð í Valhøll (merkt við reyðum rundingi á myndini)
Málið hevur verið til viðgerð í trivnaðarnevndini í Eysturkommunu. Her mælir nevndin til, at ein fundur verður við grannarnar og tey sum hava víst misnøgd við ætlanina.
Misnøgdin snýr seg í fyrstu syftu um, at skipa Valhøll usm Tónleikamiðstøð, men eisini um framtíðarætlanina við hesi miðstøðini.
Á fundi í bygdaráðnum í farnu viku varð tikið einmælt undir við tilmælinum um at skipa fyri einum kunnandi fundi millum báðar partarnar í málinum.
Sum skilst er støða ikki tikin til, nær hesin fundurin kann verða hildin.
