Hanus Sørensen var á vøllinum tað seinasta lítla korterið av dystinum, tá lið hansara, Aluminij spældi dyst á útivølli móti Olimpija Ljubljana í bestu slovensku fótbóltsdeildini.
Undan dagsins dysti hevði Olimpija tapt tveir teir fyrstu dystirnar í hesum kappingarárinum, og leingi sá út til, at teir heldur ikki fóru at vinna í dag.
Men tríggjar minuttir inni í tíðini dómarin hevði lagt aftrat skoraði heimaliðið sigursmálið, so Hanus og liðfelagarnir stóðu eftir við ongum.
Aluminij hevur eitt stig aftaná tveir teir fyrstu dystirnar í kappingini.
Komandi sunnudag klokkan 16 hevur Aluminij dyst á heimavølli móti Nafta.
