Áki D. Samuelsen skoraði fyri fjórðu ferð á rað, og hann hevur nú skorað níggju mál fyri HB í 1. deild

HB vann seg fram á fimta pláss

1. DEILD: Hóast B36 tapti greitt í grannauppgerðini, so er tað greitt, at árstalsfelagið sleppur undan at flyta niður

Jóannes Hansen

23.10.2021 (23:20)

Áki D. Samuelsen skoraði fyri fjórðu ferð á rað, og hann hevur nú skorað níggju mál fyri HB í 1. deild

B36 var á heimavølli á ovara vølli í Gundadali, og HB var á útivølli.

Á støðutalvuni var B36 undan grannauppgerðini á áttanda plássi við 30 stigum og hótt at niðurflyting, og HB var á sætta plássi við 35 stigum.

HB vann grannauppgerðina 4-1 eftir 3-1 í fyrra hálvleiki. Sigurin ber við sær, at HB, sum í stórum parti av kappingini var hótt av niðurflyting, nú er á fimta plássi. HB hevur 38 stig og eitt meiri enn NSÍ, sum inntil hetta umfarið var við í kappingini um heiðursmerkini.

Hóast B36 tapti, so er tað greitt, at B36 fer ikki at flyta niður. Tað kemst av, at bæði EB/Streymur og FC Suðuroy taptu. Undan síðsta umfari er tað greitt, at tað vera hesi bæði liðini, sum fara at flyta niður.

Gilli Róason legði HB á odda eftir 9 minuttir, men bara fýra minuttir seinni var javnt, tá ið HB gjørdi sjálvmál.

Lukas G. Giessing legði miðskeiðis í fyrra hálvleiki HB aftur á sigurskós, og tá ið stórur hálvur tími var farin, økti Áki D. Samuelsen um munin til 3-1. Seks minuttir undan leikloki staðfesti innskifti Jógvan E. Ósá 4-1 HB sigurin. Hetta var aðruferð, at 17 ára gamli Jógvan E. Ósá skoraði í næstbestu deildini. Fyrra málið skoraði hann 7. august, tá ið HB tapti 4-2 á útivølli ímóti Víkingi.

Í 27. og síðsta umfari fer B36 fríggjadagin at spæla á heimavølli ímóti NSÍ, og HB skal til Klaksvíkar.

NSÍ – Víkingur 0-3 (0-1)

0-1: Magnus Jarnskor 4.

0-2: Signar á Brúnni 46.

0-3: Bergur Jákupsson Poulsen 86.

Skála – B71 1-1 (0-1)

0-1: Brian Okpala 8.

1-1: Niels Pauli Danielsen br 87.

EB/Streymur – KÍ 0-4 (0-2)

0-1: Óli Eyðsteinsson Poulsen 21.

0-2: Olaf Karstenson Hansen 40.

0-3: Boris Dosljak 70.

0-4: Dávid B. Andreasen 92.

B36 – HB 1-4 (1-3)

0-1: Gilli Róason 9.

1-1: sjálvmál 13.

1-2: Lukas G. Giessing 23.

1-3: Áki D. Samuelsen 32.

1-4: Jógvan E. Ósá 84.

AB – FC Suðuroy 6-1 (3-0)

1-0: Símin Hansen br 14.

2-0: Ardit Murati 35.

3-0: Símin Hansen 43.

4-0: Símin Hansen 49.

5-0: Ardit Murati 88.

6-0: Sørin N. Samuelsen 90.

6-1: Alexander Holm Kilgour 92.

Skála	26	16	2	8	57	31	50
Víkingur	26	13	4	9	62	42	43
AB	26	12	7	7	52	36	43
B71	26	12	5	9	55	47	41
HB	26	12	2	12	50	54	38
NSÍ	26	11	4	11	53	58	37
KÍ	26	9	6	11	42	45	33
B36	26	8	6	12	40	56	30
FC Suðuroy	26	6	8	12	40	59	26
EB/Streymur	26	7	4	15	40	63	25