Sambært ferðaætlanini skuldi Smyril fara av Havnini kl. 16.00 seinnapartin. Fólk og bilar fóru eisini umborð sum ætlað. Men tá klokkan varð farin eini 10-15 minuttir yvir kl. 16, boðaði skiparin frá, at túrurin suður var avlýstur, tí so nógvar vindur var á Krambatanga, skrivar Suðuroyarportalurin.
Sjálvandi skal hugsast fyrst og fremst um trygd, og tað ábyrgdina og avgerðina eigur skiparin.
Umborð vóru nøkur hundrað fólk, sum nú eru strandaði í Havn, harímillum nógv ítróttarfólk. Tey máttu so í land og at leita sær innivist í Havn.
SSL hevur boðað frá, at meiri verður at frætta um fráferðina til Suðuroyar sunnumorgun kl. 21 í kvøld, skrivar www.sudurras.fo.
