Skipanin merkir, at donsk sjúkrahús skulu hjálpa við at manna fulltíðarstørv í Grønlandi.
Tað upplýsir Danske Regioner í tíðindaskrivi.
Endamálið er at skapa størri støðufesti hjá sjúklingunum í Grønlandi og samstundis betri arbeiðsumstøður hjá starvsfólki og leiðslu.
Sambært avtaluni skulu donsk sjúkrahús senda starvsfólk til Grønlands í avmarkað tíðarskeið eftir einari stafett-skipan.
Næsta stigið verður nú at finna deildir á donskum sjúkrahúsum, sum vilja vera partur av skipanini.
Talan er millum annað um arbeiðsøki sum bráðmóttøkur, føðingar og psykiatri.
Tað verður sjálvboðið hjá starvsfólkunum á donsku sjúkrahúsunum at taka lut í skipanini.
Grønland hevur leingi havt trupulleikar við at fáa nokk av heilsustarvsfólki, serliga uttanfyri størstu býirnar.
