Løgreglan í Hongkong hevur nú verið inni í øllum blokkunum, sum brendu í herviligum eldi fyri einari viku síðan.
Staðfest er, at 159 fólk hava latið lív, og hóast løgreglan nú hevur verið inni í øllum blokkunum, eru framvegis 31 fólk saknað.
Hetta veit Reuters at siga í morgun.
Løgreglan væntar, at tey, sum framvegis eru saknað, kunnu liggja jarðað í leivdunum av tí, sum er eftir av brendu blokkunum.
Fleiri fólk eru handtikin í samband við eldin, og sambært løgregluni er væntandi, at ákærur verða reistar um óviljað manndráp.
Løgreglan heldur nevniliga, at eldurin stóðst av, at bygningarnir vóru í holt við at vera pussaðir upp.
- Bygningarnir vóru eitt nú klæddir við stórum plastneti og arbeiðspallum úr bambus, veit tíðindastovan Reuters at siga.
