Hermenn eru í kvøld farnir umborð á fleiri skip, sum eru partur av eini hjálparflota, sum er á veg til Gaza.
Tað skrivar fyriskiparin handan flotan, Global Sumud Flotin, á Instagram.
Hetta hendir stutt eftir, at skipafylgið boðaði frá, at tað varð umringað av skipum frá ísraelska flotanum, sambært tíðindastovuni AFP.
Skipafylgið liggur í landsynningspartinum av Miðjarahavinum, norðan fyri Egyptaland.
Tað er eitt stórt tal av skipum, sum bera hjálp til fólkið í krígsherjaða Gaza.
Umborð á einum av skipunum er svenski aktivisturin Greta Thunberg.
Umleið 500 fólk - teirra millum tinglilmir, løgfrøðingar og aktivistar - sigla við flotanum. Tey hava fingið mat og heilivág við.
/Ritzau/
