Sambært løgregluni koyrdu tveir bilar sama veg, tá bilurin, sum koyrdi aftanfyri, rendi á bilin frammanfyri.
Orsøkin var eftir øllum at døma, at førarin ikki hevði neyðugu frástøðuna til bilin frammanfyri, tá hann minkaði ferðina.
Ein annar bilførari varð tíðliga í morgun tikin og skuldsettur fyri rúsdrekkakoyring.
Um fimm tíðina fekk løgreglan fráboðan um eitt soloóhapp, har ein bilur hevði rent á eitt skelti.
Løgreglan fór á staðið og hevði illgruna um, at førarin hevði drukkið.
Hann varð biðin um at blása í alkometrið og varð síðani skuldsettur fyri rúsdrekkakoyring.
