Fyrrverandi landsstýris- og løgtingsmaðurin, Ivan Johannesen er deyður. Hann andaðist í gjár, 77 ára gamal.
Ivan Johannesen varð fyrstu ferð valdur á Ting í 1978 fyri Sambandsflokkinn í Vágum, og sat fram til 1988 og aftur frá 1994 til 1998.
Ivan Johannesen sat sum fíggjarmálaráðharri frá 1989 til 1991 og frá 1994 til 1998, tá hann sat sum landsstýrismaður í fiskivinnu-, ali- og landbúnaðarmálum.
Hann var útbúgvin sum maskinsmiður í 1951, maskinpassari 1955 og maskinmeistari 1958. Hann arbeiddi sum maskinmeistari umborð á føroyskum fiskiskipum frá 1955 til 1977, var skipari og reiðari 1977-1978, og gjørdist reiðari í 1991.
Hann hevði nevndarsessir í umboðsráðnum hjá SEV 1971 til 1975, stýrislimur í SEV1975 til 1989, harav hann var formaður frá 1981 til 1985.
Ivan Johannesen sat í Miðvágs bygdarráð frá 1970 til 1974.
