James Milner bjargaði Liverpool

Eftir trý tap í fýra dystinum, eydnaðist Liverpool aftur at vinna. Hesa ferð í Premier League, har Liverpool vann 2-1 á AFC Bournemouth á heimavølli. Tað skuldi tó ein bjarging á málstrikuni til at tryggja sigurin.

Tað vóru annars gestirnir, sum komu á odda í fýra álopinum hjá teimum. Callum Wilson skoraði eftir eitt álop, har Liverpool vildi hava fríspark, tá sami áleyparin vann bóltin frá verjuspælaranum hjá Liverpool , Joe Gomez.

Liverpool svaraði aftur við tveimum umstillingum, har Liverpool vinnur bóltin og skorar upp á skjótálopið. Fyrst Mohamed Salah og síðani Sadio Mané. Í seinna hálvleiki mátti veteranurin á liðnum, James Milner, bjarga á strikuni fyri at tryggja Liverpool sigurin.

Arsenal bjóðar av í Evropa-stríðnum við 1-0 sigri á West Ham, Sheffield United heldur fram við góðu gongdini og vann 1-0 á Norwich, sum nærkast niðurflyting. Bæði Wolverhampton og Tottenham settu stig til í stríðnum um at fáa Champions League pláss.

Premier League 29. umfar:

Liverpool – AFC Bournemouth 2-1

Arsenal – West Ham 1-0

Crystal Palace – Watford 1-0

Sheffield United – Norwich 1-0

Southampton – Newcastle 0-1

Wolverhampton – Brighton 0-0

Burnley – Tottenham 1-1

Í dag:

Chelsea – Everton (14.00)

Manchester United – Manchester City (16.00)

Mánadagin:

Leicester City – Aston Villa (20.00)