Løgreglan var úti og kannaði ferðsluna í gjár, og í hesum umfari varð serliga hugt eftir, um bilførarar vóru edrúir og høvdu koyrikort.
- Men, her stóð væl til, og einki mál varð skrivað, visti vaktleiðarin á løgreglustøðini at siga í morgun.
Í staðin fyri at finna nakran bilførara, sum einki koyrikort hevði - ella hevði gloymt koyrikortið eftir heima við hús ella kanska koyrdi ávirkaður, datt løgreglan á ein bilførara, sum koyrdi við píkadekkum.
- Bilførarin, sum koyrdi við píkadekkum, fær ein bót, tí um summarið er ikki loyvt at koyra við píkadekkum, sigur løgreglan.
Í gjárkvøldið varð ein bilførari í Suðuroynni tikin fyri rúsdrekkakoyring, eftir at viðkomandi hevði koyrt á ein garð.
- Her er blóðroynd tikin, og bilførari er skuldsettur fyri rúsdrekkakoyring, visti løgreglan at siga í morgun.