Landsliðsleikarin, Tróndur Mikkelsen og liðfelagarnir í Kristiansand spældu í dag dyst á heimavølli í bestu norsku hondbóltsdeildini í Aquarama-høllini í Kristiansand móti gamla liðnum hjá Teis Horn Rasmussen, Follo.
Kristiansand var á odda 15-14 í steðginum, men tað endaði við harðvunnum 36-35 sigri til Follo.
Tróndur skoraði tvey mál.
Kristiansand er nummar sjey í deildini við seks stigum fyri sjey dystir. Tá snýr seg um at vera millum átta tey fremstu liðini aftaná lokið grundspæl. Eydnast tað sleppur Kristiansand at kappast í endaspælinum.
Komandi mikudag klokkan 17.30 hevur Kristiansand heimadyst móti Runar Sandefjord.