Á skránni verður: verkstovur við dansispølum, fyrilestur við Andreu Opielka og føroyskur dansur – tilmelding krevst til verkstovurnar, meðan fyrilesturin og dansurin um kvøldið eru almenn.
Skráin hendan dagin er:
14:00-17:00 Verkstovur við dansispølum við Kristiani Jacobsen og Annu Birnu B. Restorff. Kostnaður 100 krónur (nátturði íroknaður), tilmelding á sr@sr.fo ella tlf. 292563.
17:15-18:15 Fyrilestur við heitinum “Danse- og sanglege på Færøerne – oprindelse, udbredelse, nutidig tradition” við Andreu Opielka. Andrea Opielka hevur granskað í føroyskum dansi og føroyskum dansispølum, og hevur skrivað ph.d.-ritgerð um føroysk dansispøl.
18:15-18:45 Møguleiki at keypa sær ábit frá matstaðnum SYSTRUM. Best er, um maturin verður bílagdur áðrenn fyrilesturin byrjar, tí so gongur skjótari at borðreiða Luttakarar á verkstovunum fáa nátturðaábit sum part av tilmeldingini.
19:00-21:00 Føroyskur dansur. Á skrá eru:
* Fruntatáttur, Jónvør Petersen skipar, tekstur: https://tinyurl.com/jum9k82a
* Harpu ríma, Gunnar Restorff skipar, tekstur: https://tinyurl.com/5a3pt6mw
* Jallgríms kvæði, Jóhannis Joensen skipar, tekstur: https://tinyurl.com/mtkcm5we
* Dronning Dagmar ligger i Ribe sjug, Eydna í Homrum skipar, tekstur: https://www.danshavn.org/index.php/kvaedasavn?ptype=2...
Fyrilesturin og dansurin um kvøldið eru almenn og ókeypis. Verkstovurnar um dagin krevja tilmelding og kostaðurin er kr. 100.
