Laila av Reyni er ein listakvinna, sum føroyingar yvirhøvur seta í samband við sermerktar kjólar og tónleik
Laila av Reyni hevur júst givið út fløguna, Stay. Fløgan hevur fingið sera góð ummæli, og hósdagin kl. 16 fáa øll viðskiftafólk í SMS høvið at hoyra nøkur løg úr hennara nýggju útgávu.
Umframt at skapa kjólar og tónleik undirvísir Laila av Reyvi á klædnadeildini á Glasi.
Seinastu dagarnar, og inntil 3. mars, hava nakrir av hennara 2. árs næmingum víst eina øðrvísi verkætlan fram á Torginum í SMS. Verkætlanin eitur "Redesign" og er í høvuðsheitum um at endurskapa pløgg úr øðrvísi tilfari. Næmingarnir hava arbeitt í eina viku við verkætlanini, og úrslitið av avrikinum er at síggja á Torginum.
