Í gjár var alment tiltak í SALT á Drelnesi, har greitt var frá ætlaðu ferðini, har rógvast skal í Naddoddi av Tvøroyri til Noregs. Tað er Explorer Club frá 1904, ið stendur fyri ferðini, har Livar Nysted er ein av luttakarunum.
Í dag vóru allir skúlar í Suðuroynni í SALT, fleiri hundrað næmingar, har teir hoyrdu um ætlaðu ferðina við Naddoddi av Tvøroyri. Eisini hoyrdu teir um undanfarnar ferðir, ið skiparin Andy hevur verið á og ikki minst, so var roynt at greiða frá hesum við útferðarhugi, og hví tað er neyðugt við slíkum kanningarferðum, og roynt var at kveikja og erta forvitnið hjá ungu ættarliðunum.
Manningin er henda: Andy Fitze, skipari úr Sveis, Livar Nysted, havrógvari úr Hvannasundi, Karla Dana, víkingafornfrøðingur úr Meksiko, búsitandi í Florida, USA, Saeny Blaser, fotografur úr Sveis, Georg Aebi og Martin Fitze.
Sirið Stenberg, landsstýriskvinna, endaðu løtuna við heilsu til manning og áhoyrarar.
##med2##
##med3##
##med4##
##med5##
##med6##
