Tað skrivar Ritzau.
– Hetta eru ógvusligar myndir úr Ceuta. Vit fara ikki at góðtaka eina endurtøku av 2015, sigur Mette Frederiksen í einari skrivligari viðmerking.
Hon heldur, at ES eigur beinanvegin at taka øll neyðug stig.
– Tað sigur seg sjálvt, at ES skal umhugsa allar møguleikar, eisini at seta Spania uttan fyri Schengen-samstarvið, skrivar hon.
Ceuta liggur á norðurstrond Marokko og er saman við Melilla einasta landamarkið hjá ES til Afrika.
Sambært myndugleikunum í Ceuta eru upp í 60.000 fólk komin um markið úr Marokko síðani hósdagin. Í eksklavuni búgva umleið 85.000 fólk.
Italska forsætisráðfrúan, Giorgia Meloni, hevur longu heitt á ES um at seta Spania uttan fyri Schengen. Mette Frederiksen upplýsir, at hon hevur tosað við Meloni, og at tær fara at savna evropeiskar leiðarar at umrøða støðuna.
– Óstýrd innflyting er ein hóttan móti bæði Evropa og Danmark. Stjórnin fer framvegis at leggja dent á, at ytru mørkini hjá ES verða vard, sigur Mette Frederiksen.
Schengen-samstarvið gevur frælsa ferðing millum 29 evropeisk lond.
