Tað sigur ungmannafelagið hjá Miðflokkinum í tíðindaskrivi í sambandi við, at felagið hevur havt aðalfund, har felagið millum annað valt nýggjan formann.
Eftir aðalfundi hevur nevndin skipað seg við við Petur Asano sum formanni.
Nevndin er mannað soleiðis:
- Petur Takamasa á Geilini Asano: Formaður
- Mattias Ljósheim: Næstformaður
- Markus Mortensen: Skrivari
- Aksel Kambsskarð Berg: Kassameistari
- Steffan Klein Poulsen: Nevndarlimur
– Nýggja nevndin fer í næstum at leggja fokus á fíggjarpolitikkin í flokkinum. Politikkurin er farin ov langt til vinstru, og tíðin er komin til at seta kósina til høgru.
– Ungmannafelagið hevur ein aktivan leiklut í at menna Miðflokkin, og nýggja nevndin ynskir at verða við at leggja kós og visión fyri Miðflokkin, har málið er at flokkurin skal verða millum teir størstu í framtíðini.
– Petur Asano er úr Svínoy og er hálvur Japanari. Hann hevur bæði royndir at búgva á útoyggj og í stórbýi. Útoyggjapolitikkur er eitt av hansara hjartamálum. Serliga tær smáu útoyggjarnar, sum blíva gloymdar og enn tá koyrdar í skrellispannina, tá tað kemur til tunnilsætlan, siga Ung fyri Miðflokkin.
