Sosialurin.fo

Mr. BEAN

USA er higartils sloppið undan trupla gerandisdegnum hjá Mr Bean. Men nú er liðugt við tí! Í filminum Bean fer við Mr. Bean til Los Angeles - ein ferð, ið setur síni týðiligu og ræðandi spor í ein bý, sum ongantíð verður hin sami aftur.

Luturin sum Mr. Bean verður verður sjálvandi spældur av »tí einasta Bean, sum er til«(!); Rowan Atkinson, og filmurin er instrueraður av einum øðrum onglendingi, nevniliga Mel Smith, sum m. a. er kendur frá tí heiðursløntu sjónvarpssendirøðini, »Smith & Jones«, har hann leikti saman við Griff Rhys Jones.

Ein serliga ríkur vælgeri hevur donerað 50 milliónir dollarar til Grierson Gallery í Kalifornia, so at gallaríið kann keypa størsta listarverkið í USA, málningin »Whistler?s Mother«, og fáa tað heima til USA. Tá tey fegin vilja seta ein serligan dám á eina slíka hending, vendir stjórnin í Grierson Gallery sær til Royal National Gallery í Onglandi og biður tey seta teirra størsta serfrøðing og mest prominenta persón at seta serligan dám á avdúkingina av málninginum.

Men savnið sendir ikki teirra mest prominenta persón - heldur ikki teirra størsta serfrøðing á økinum. Hinvegin. Tey síggja støðuna sum eitt kærkomið høvi til at sleppa av við teirra mest ódugnaliga medarbeiðara, Mr. Bean!


Filmurin hevur frumframførslu í Havnar Bio fríggjakvøldið 5. september - og má síggjast?!

 

Mest lisið

Grønland: Faðir og sonur deyðir - dóttirin á lívi

Vegurin hoknaði undan

FM vinnarar í 1980 hittust aftur

Myndir: Mentanarnátt í Havn

Fríða Jóinsdóttir Joensen nýggjur hotelleiðari