27 fólk eru viðgjørd á sjúkrahúsi, eftir at ein bilur koyrdi inn í eina mannamúgvu í Liverpool mánadagin.
Tað upplýsti North West Ambulance Service á tíðindafundi seint mánakvøldið.
Hendingin fór fram mánakvøldið á Water Street í Liverpool.
Her fóru hundraðtúsundtals fólk út á gøturnar at hátíðarhalda, at fótbóltsfelagið Liverpool FC hevði vunnið Premier League.
Tvey fólk - teirra millum eitt barn - fingu álvarsligan skaða eftir samanstoytin. Ongar fráboðanir eru um andlát.
20 fólk vórðu eisini viðgjørd á staðnum uttan at hava tørv á sjúkrahúsviðgerð, leggur fráboðanin afturat.
Tilsamans eru fýra børn millum tey særdu.
##med2##
Fyrr mánadagin boðaði bretska løgreglan frá, at ein 53 ára gamal bretskur maður varð handtikin í sambandi við hendingina.
Hildið verður, at hann hevur koyrt bilin, upplýsti løgreglan á tíðindafundinum.
##med3##
Sambært løgregluni er talan um eina "einsamalla hending", sum ikki verður mett at vera tengd at yvirgangi.
- Tað, sum eg kann siga tykkum, er, at vit halda, at hetta er ein einstøk hending og vit leita ikki í løtuni eftir nøkrum øðrum (einstaklingum, red.) í mun til hana, sigur Jennifer Sims, varaleiðari hjá løgregluni í Merseyside.
Tá bilurin steðgaði eftir samanstoytin, savnaðust vreiðir fótbóltsfjepparar rundan um hann og royndu at sláa bilrútini niður, skrivar Reuters.
Løgreglumenn løgdu tí uppí fyri at forða teimum í at fáa atgongd til føraran av bilinum.
##med4##
Enn er ikki greitt, um talan var um ein tilætlaðan samanstoyt, og ongar upplýsingar eru komnar um eitt møguligt motiv fyri samanstoytinum.
Tá neyðhjálpin kom á staðið, funnu tey fýra fólk fangað undir bilinum.
##med5##
Tað sigur Nick Searle, sum er sløkkiliðsleiðari hjá sløkkiliðs- og bjargingartænastuni í Merseyside.
Trý vaksin og eitt barn vórðu bjargað og latin sjúkrabilstænastuni, stendur í fráboðanini.
Seinast Liverpool FC lyfti steypið var undir koronafarsóttini, tá avmarkingar forbjóðaðu stórum hátíðarhaldum av sigrinum.
/Ritzau/
##med6##
##med7##
##med8##
##med9##
##med10##
##med11##
##med12##
##med13##
##med14##
##med15##
