Jákup Pauli Joensen er settur stjóri í nýggju náttúru-, umhvørvis- og lendisfyrisitingini undir innlendismálaráðnum. Jákup Pauli Joensen skal standa fyri nýggju fyrisitingini í náttúru-, umhvørvis- og lendisviðurskifum.
Jákup Pauli hevur verið deildarleiðari á umhvørvisdeildini á Heilsufrøðiligu Starvsstovuni síðani 1989. Hann tekur við nýggja starvinum tann 1. juni.
Við Náttúru-, umhvørvis- og lendisfyrisitingini vewrða seks ymsir stovnar savnaðir í ein stovn. Stovnarnir eru Matrikulstovan, Tinglýsingarstovan, Landsfólkayvirlitið, Føroya Náttúrugripasavn, Umhvørvisdeildin á Heilsufrøðiligu Starvsstovuni og Skógrøkt Landsins.
