Fríggjakvøldið klokkan 19.30 hava sysktinabørnini, Nolsøe, fjølbroytta konsert í føroysku Samuelskirkjuni á Nørrebro.
Systkinabørnini Nolsøe eru sopransangarinnan, Elsebeth Pállsdóttir Nolsøe Lund, og urguleikarin, Jóannes Nolsøe, og á konsertini fara tey at syngja og spæla kend verk, ið røkka frá Bach og Händel til Kára Bæk og Knút Olsen.
Skyldfólkini bæði hava longu vant í Samuelskirkjuni, ið er tiltikin at vera væl egnað til tónleikaframførslur, sigur Bergur Jacobsen, prestur.
Beint eftir konsertina í Samuelskirkjuni fer duoin á konsertferð í Føroyum.
