Tað er fagnaður í NSÍ leguni, og tað er lagt upp til stóra løtu, tá ið NSÍ ferðalagið um níggju tíðina í kvøld verður aftur í Runavík.
Í dag hava NSÍ kvinnurnar skrivað søgu. Tær vunnu á Tórsvølli steypafinaluna ímóti HB 4-2. Hetta er fyrsta ferðin yvirhøvur, at NSÍ, sum í hesum umfarinum bara hevur verið tvey ár í bestu deildini, hevur vunnið steypakappingina, og avrikið og úrslitið verður sett í serligt ljós, tí hetta er fyrsta ferðin yvirhøvur, at NSÍ kvinnurnar vinna eina kapping. Í landskappingini endaðu tær bæði í fjør og í ár við at vinna silvurkrónurnar.
NSÍ liðformaðurin Ansy Sevdal setti hol á eftir horna í 12. minutti, og í 22. minutti økti Laila Pætursdóttir um munin til 2-0, sum eisini var hálvleiksstøðan.
Spenningur kom í aftur tveir minuttir eftir steðgin, tá ð Ása Stórá Carlsen, sum varð skift inn beinanvegin eftir steðgin, minkaði um munin. So tevjaði HB møguleikan at vinna seg upp á javnt, men tríggjar minuttir seinni fánaði HB vónin nógv. Tá var tað Heidi Sevdal, sum av egnari hálvu streyk avstað í høgru og úr 20 metrum smekkaði bóltin í handara síðunetið.
Tíggju minuttir undan leikloki var Heidi Sevdal aftur upp á spæl, og tveir minuttir seinni var tað innskifta Elin Maria Isaksen, sum eftir álop í høgru og úr stuttari fjarstøðu setti bóltin í málið, og so var tað 4-2, sum eisini varð úrslitið.
Úrslitið hjá NSÍ kvinnunum er silvur í landskappingini og gull í steypakappingini. Úrslitið hjá NSÍ monnunum er fjórða pláss í landskappingini. Hvussu tað fer at ganga í steypakappingini er ikki greitt enn. NSÍ skal spæla tvær hálvfinalur ímóti HB. Tann fyrra verður á útivølli annan sunnudag, og tann seinna verður annan leygardag við Løkina, har tey í kvøld fara at fegnast um, at felagið í dag fyri fyrstu ferð hevur vunnið finaluna í steypakapppingini fyri kvinnur.
NSÍ – HB 4-2 (2-0)
1-0: Andy Sevdal 12.
2-0: Laila Pætursdóttir 22.
2-1: Ása Stórá Carlsen 47.
3-1: Heidi Sevdal 50.
4-1: Heidi Sevdal 80.
4-2: Elin Maria Isaksen 82.
Dómari: Jákup Øssursson Mohr
NSÍ: Sjarlotta E. Joensen – Sigrid Amalielsdóttir Jacobsen, Mirjam Huneck, Monika S. Samuelsen, Hansina Joensen – Ansy Sevdal Jakobsen, Rúna Olsen – Laila Pætursdóttir (Kára I. Djurhuus, 89.), Heidi Sevdal, Maria V. Johansen (Dania S. Olsen, 81.) – Lena Olsen
Á beinkinum uttan at verða skiftar inn: Jonna Holm, Mai-Britt Svalbard Hansen, Miriam H. Egilsdóttir, Mona Petersen, Marta Gaardbo
Venjari: Poul N. Poulsen
Hjálparvenjari: Suni Ernstsson
HB: Amalie Kristine Jørgensen – Ida Marie Christensen, Liljan av Fløtum, Sunniva Willemoes, Sara Samson Lamhauge (Elin Maria Isaksen, 55.), Julia Helena Dal Henriksen, Sarita Maria Mittfoss (Elin Maria Isaksen, 55.), Kára Djurhuus, Ása á Reynatúgvu, Kára Djurhuus, Rúna Jacobsen, Emma Tórmóðardóttir Stórá (Lea Tórarenni Johannesen, 75.)
Á beinkinum uttan at verða skiftar inn: Vár Dam, Tinna av Skarði, Poula Andreasen, Teresa Jacobsen
Gult kort: Sunniva Willemoes
Venjari Jan Mølvad Laursen
Hjálparvenjari: John Eystberg
