ISO-góðkent virksemi í Nýggjheiðum
IRF boðar frá, at fyri støðina í Nýggjheiðum merkir ISO-góðkenningin millum annað, at:
- Mannagongdirnar viðvíkjandi viðgerðini av spillvatni frá tyrving og rottangaviðgerð eru umhvørvisgóðkendar sambært Umhvørvisstovuni og soleiðis eisini ISO-góðkendar. Hesar mannagongdirnar, sum umfata sýnistøkur, reinsing av olju-útskiljara, sandfang og annað tryggjar, at einki umhvørvisdálkandi vatn verður leitt út frá støðini.
- Vatnið til viðgerð av rottangaevju verður endurnýtt fleiri ferðir. Hetta hevur við sær, at vatnnýtslan á støðini minkar, og á hendan hátt minkar nøgdin av spillvatni eisini. Tað vil siga, at minni spillvatn skal gjøgnum reinsiskipanina, áðrenn tað verður latið út á sjógv, og harvið gerst trýstið á reinsiskipanina minni.
Hesar mannagongdir eru í ein liður í arbeiðinum við heimsmál nr. 6 og 14. IRF virkar fyri einum reinum havumhvørvi, soleiðis at einki burturkast ella onnur skaðilig evni verða latin á sjógv av virkseminum.
