Føroya náttúru og umhvørvisfelag skrivar, at Birgith er útbúgvin journalistur og hevur seinastu árini starvast sum marknaðarleiðari. Hon hevur eisini royndir sum samskiftisráðgevi og sum journalistur í Kringvarpi Føroya. Afturat hesum er hon forkvinna í Veltuni á Sandi og stovnari av fyritøkuni Býarfesti, sum framleiðir føroyskt grønmeti og byggir millum annað vakstrartunlar úr endurnýttum tilfari.
Birgith tekur við starvinum 1. oktober, og nevndin í FNU gleðir seg til eitt gott samstarv.
Samstundis ynskir FNU Fíu Niclasen blíðan byr, nú hon fer í barnsburðarfarloyvi 10. oktober.
