Sambært NTB-tíðindastovuni hevur forsetin, Donald Trump, heitt á amerikanska herskipaflotan um at skjóta allar bátar, sum leggja minur í Hormussundinum.
- Eg havi givið boð um at skjóta og drepa øll, sum leggja minur - eisini, um tað eru fólk í smáum bátum, skrivar amerikanski forsetin á Truth Social.
Í dag frættist eisini úr USA, at amerikanski herurin hevur lagt hald á ein iranskt oljutangaskip aftrat.
Hetta veit AP-tíðindastovan at siga.
Sagt verður, at hendingin fór sambært amerikanska verjumálaráðnum fram í Indiahavinum millum Sri Lanka og Indonesia.
Navnið á iranska oljutangaskipinum er Majestic X, verður sagt.
Áður hevur amerikanski herurin lagt hald á eitt annað iranskt oljutangaskip, sum var ávegis til Kina, og hetta var í umleið sama øki, sum hald nú er lagt á Majestic X.
##med2##
