Miðvallarin, Olaf Bárðarson hevur fingið debut fyri Sandnes ULF í næstbestu norsku fótbóltsdeildini.
Sandnes tapti í kvøld á útivølli 1-2 fyri Hødd, ið longu legði seg á odda í sjeynda minutti.
Olaf kom á vøllin beint undan steðginum. Ole Sebastian Sundgot javnaði fyri Sandnes til 1-1 í 53. minutti, men bert fimm minuttir seinni skoraði Hødd sigursmálið.
Gullbrandur í Horni Øregaard var ikki við í hópinum hjá Sandnes í kvøld.
Komandi leygardag klokkan 13 hevur Sandnes ULF dyst á heimavølli móti Odd.
