Patrik rundaði gott kappingarár av við tveimum málum

Patrik rundaði eitt gott kappingarár við Keflavík av við at skora tvey mál í 4-0 sigrinum á Fram á heimavølli í dag.

Patrik endaði á 12 málum hetta kappingarárið, og tað er nógv tað mesta nakar føroyskur leikari hevur skotið í bestu íslendsku fótbóltsdeildini í einum kappingarári.

Umframt bæði málini hevði Patrik eisini aðrar stórar málmøguleikar. 

Keflavík var av serfrøðingunum spátt at enda aftast í deildini, men teir hava gjørt tí til skammar. Keflavík endaði við at vinna niðara endaspælið við samanlagt 37 stigum.

Keflavík 4 - 0 Fram

 1-0 Dagur Ingi Valsson ('35)

 2-0 Patrik Johannesen ('48)

 3-0 Dani Hatakka ('62)

 4-0 Patrik Johannesen ('81)

Kaj Leo í Bartalsstovu slapp á vøllin tá 67 minuttir vóru farnir av dystinum millum FH og Akranes á Hafnarfirði. Akranes vann 2-1, men teir máttu vinna 10-0 á FH fyri at yvirhála betra málmunin hjá FH. 

Vánaligi málmunurin hjá Akranesi bleiv dýrur. Bæði FH og Akranes endaðu á 25 stigum, men málúrtøkan hjá FH er minus 10 meðan málmunurin hjá Keflavík er minus 27. Tí flytur Akranes niður í næstbestu deildina.

Gunnar Nielsen hevur okkurt at dragast við í knænum, og tí var hann ikki við í hópinum hjá FH í dag. 

FH 1 - 2 Akranes

 0-1 Gísli Laxdal Unnarsson ('40)

 1-1 Úlfur Ágúst Björnsson ('45)

 1-2 Eyþór Aron Wöhler ('93)

Støðan