Tíðindaskriv
SANDSHIP hevur ognað sær eitt farmiskip afturat. Skipið er bygt í Hollandi í 2001 og lastar um 3.000 tons.
Økingin kemst av vaksandi eftirspurningi í útlandinum.
Jørgin Jacobsen, stjóri, sigur at skipið er í sera góðum standi og verður umbygt til sjálvlossara, áðrenn tað kemur í sigling tíðliga í komandi ári.
Skipið verður innlimað í Føroysku Altjóða Skipaskrásetingina FAS. Hetta verður fimta skipið hjá felagnum í Fuglafirði.
