Í kvøld vita útlendskir miðlar at siga, at ukraina hevur lopið á eina russiska etanolverksmiðju við dronum.
Sagt verður, at talan er um eina verksmiðju í Voronezj-regiónini í Russlandi.
Russiskar Telegram-rásir og lokalir myndugleikar í økinum siga eisini frá ukrainska álopinum.
Guvernørurin í russisku regiónini, Aleksander Gusev, sigur á Telegram, at 10 ukrainskar dronur eru skotnar niður yvir regiónini seint í kvøld.
- Vrakleivdir fullu niður yvir ídnaðarøki. Eldur kom í, og eitt fólk hevur fingið løstir, sigur Aleksander Gusev sambært tíðindastovuni, NTB.
