Tað var eftir, at nýggja floghavnin í Nuuk varð latin upp, at SAS byrjaði aftur at flúgva til grønlendska høvuðsstaðin.
- Í juni í fjør vórðu fleiri flogferðir avlýstar, og prísirnir fyri restina av sesongini fóru upp ígjøgnum, veit Sermitsiaq at siga í dag.
Nú veit tíðindasíðan um flúgving - Check-in.dk - at siga, at SAS fer at gevast við flogrutuni millum Keypmannahavn og Nuuk.
Sambært SAS, sum Sermitsiaq endurgevur, er orsøkin, at brennievnið er vorðið so dýrt.
Sermitsiaq veit at siga, at hyggur tú í SAS-booking í dag, ber ikki longur til at bóka ein ferðaseðil úr Keypmannahavn til Nuuk.
- Vit arbeiða við at fáa viðmerkingar frá SAS um málið, leggur Sermitsiaq aftrat á sínari tíðindasíðu í dag.
