Fríggjadagin var fráfaringarløta fyri Sigrun Berg og Jónu Jespersen, ið hava arbeitt sum dagrøktarar og seinnu árini sum hjálparfólk í barnagarðinum Brosinum í Hvalba.
Jóna Jespersen byrjaði sum dagrøktari 15. januar 2012 og hevur eisini starvast sum hjálparfólk í barnagarðinum Brosinum, har hon gavst í september í ár.
Sigrun Berg byrjaði sum dagdøktarmamma 15. juni 1998 og hevur, síðan barnagarðurin Brosið læt upp í august 2017, starvast sum hjálparfólk.
Hon gavst fyri einari tíð síðan.
Á fráfaringarløtuni, sum Hvalbiar kommuna skipaði fyri fríggjadagin, handaði borgarstjórin, Janus Thomsen, teimum báðum gávur og blómur.
- Borgarstjórin takkaði Sigrun Berg og Jónu Jespersen fyri tíðina, sum tær hava starvast hjá kommununi, verður sagt á heimasíðuni hjá Hvalbiar kommunu.
##med2##
