Tá fólkatingið varð sett á middegi í dag, samtykti Fólkatingið uttan atkvøðugreiðslu, at Sjúrður Skaale kann taka sæti fyri Annitu á Fríðriksmørk og Høgna Hoydal. Eins og í løgtinginum, so skal tað samtykkjast formelt, at ein varamaður tekur sæti fyri ein tingmann.
Høgni Hoydal kann ikki sita í Fólkatinginum, meðan hann er landsstýrismaður, og Annita á Fríðriksmørk fær ikki møtt, tí hon skal í barsil.
Tískil hevur Sjúrður Skaale fólkatingsmaður fyribils tikið sæti á fólkatingi fram til umleið september.
Fólkatingið varð sett á middegi, og til ber at fylgja við fundinum á DR2.
