Seinnapartin vunnu Áki Egilsnes, Allan Norðberg, Nicolas Satchwell og hinir í KA stórsigur 32-16 á ÍR á heimavølli á Akureyri. Í steðginum var KA á odda 16-9.
Áki Egilsnes skoraði fýra mál, Allan Norðberg skoraði trý mál og Nicolas Satchwell hevði eitt bjargingarprosent uppá 47 prosent.
Í seinna hálvleiki hevði ÍR ein málturk uppá 16 minuttir. Tá økti KA úr 22-15 uppí 32-15 áðrenn ÍR loksins fekk eitt mál aftur.
Talan er um tvey góð stig hjá KA, ið nú er sætta plássi við sjey stigum fyri sjey dystir.
Komandi sunnudag skal KA út til Heimey at spæla móti ÍBV.
Hitt føroyingaliðið, Fram tapti á útivølli 28-34 fyri oddaliðnum, Haukar. Í steðginum var Haukar á odda 20-17. Fram megnaði at minka til 21-22, men so gekk ikki meir, og Haukar øktu til 29-22.
Tað var tó ein frægur dagur hjá Vilhelmi Poulsen sum skoraði fimm mál fyri Fram í dag.
Fram, ið eisini hevur Rógva Dal-Christiansen í hópinum liggur á áttanda plássi við sjey stigum.
Mánadagin 15. februar hevur Fram heimadyst. Tá kemur Selfoss á vitjan.
Støðan:
| Lið: | |||
| Haukar | 7 dystir | 204:170 | 12 stig |
| Valur | 8 | 234:218 | 10 |
| FH | 7 | 198:179 | 9 |
| ÍBV | 6 | 174:161 | 9 |
| Afturelding | 6 | 146:144 | 9 |
| KA | 7 dystir | 183:167 | 7 stig |
| Selfoss | 5 | 130:124 | 7 |
| Fram | 8 dystir | 190:196 | 7 stig |
| Stjarnan | 6 | 156:162 | 5 |
| Grótta | 8 | 197:204 | 5 |
| Þór Ak. | 7 | 162:188 | 2 |
| ÍR | 7 | 161:222 | 0 |
