Nú er skráin til Norð Festivalin 2026 klár.
Leygardagin 29. august verður Viðareiði karmur um ein fjølbroyttan festivaldag við tónleiki, undirhaldi, mati og hugna – og eitt av stóru hæddarpunktunum verður, tá danski rokkbólkurin, D-A-D fer á stóra pall klokkan 21.45.
D-A-D hevur í fleiri áratíggju verið millum kendastu rokkbólkarnar í Danmark, og festivalgestir kunnu gleða seg til at uppliva bólkin mitt í stórslignu náttúruni á Viðareiði.
Men tónleikaskráin á Norð Festivalinum fevnir breitt. Á stóra palli verða eisini Friði & Marner, Hallur Joensen, Eyðun, Terji & Kim og ROX við Signari í Homrum at hoyra.
Í Tjaldinum byrjar tónleikurin longu fyrrapartin leygardagin við Trølla Pæturi og Ommuni. Seinni fara Herborg Torkilsdóttir, Sámal Ravnsfjall, Rani Nolsøe, Bjarki Hansen, Blátt Gras, Páll Oddur & Finnur Koba, Edmund & Mikkjal og DJ Cool á pall.
Fyrireikararnir vísa á, at Norð Festivalurin eisini er meira enn bara tónleikur.
- Dagurin byrjar klokkan 10 við ókeypis morgunmati fyri gestum, og gjøgnum dagin verður eisini undirhald fyri børnum og vaksnum. Spæliland verður á økinum, Silvi vitjar børnini, ein kúgv verður flett, eins og Fuglafjarðar Harmonikufelag fer at spæla.
Á Hotel Norð verður buffet frá klokkan 15 til 21, og á midnátt spælir Ottar Skottar til dans.
- Við einari fjølbroyttari skrá frá morgni til langt út á náttina verður lagt upp til ein fullan festivaldag á Viðareiði, og Norð Festivalurin verður leygardagin hin 29. august 2026.
Skráin í stuttum:
Stóri pallur:
Kl. 18.00 – Friði & Marner
Kl. 19.45 – Hallur Joensen
Kl. 21.45 – D-A-D
Kl. 00.00 – Eyðun, Terji & Kim
Kl. 01.45 – ROX v/Signar í Homrum
Tjaldið:
Kl. 11.15 – Trølla Pætur og Omman
Kl. 15.00 – Herborg Torkilsdóttir
Kl. 16.00 – Sámal Ravnsfjall
Kl. 17.00 – Rani Nolsøe
Kl. 19.00 – Bjarki Hansen
Kl. 20.45 – Blátt Gras
Kl. 23.15 – Páll Oddur & Finnur Koba
Kl. 01.00 – Edmund & Mikkjal
Kl. 02.45 – DJ Cool
Hotel Norð:
Kl. 15.00 – Buffet letur upp
Kl. 21.00 – Buffet letur aftur
Kl. 00.00 – Ottar Skottar spælir til dans
- Harumframt eru fleiri tiltøk og undirhald á skránni gjøgnum dagin, og fulla skráin fyri Norð Festivalin sæst her niðanfyri.
##med2##
