Sjey dystir eru á skránni í 1. umfari í kappingini um Løgmanssteypið. Fýra dystir verða spældir mikudagin 24. apríl, meðan hinir tríggir eru á skránni flaggdagin, hósdagin 25. apríl, skrivar Fótbóltssambandið.
Í gjár varð greitt, hvussu spælast skal í 1. umfari í steypakappingini hjá monnum, sum er á skránni mikudagin 24. og hósdagin 25. apríl. Tað var Albert Ellefsen, ið stóð fyri lutakastinum, og fyrsta lið, sum kom úr bollanum var NSÍ, ið fer beinleiðis víðari til fjórðingsfinalurnar. Síðani varð trekt til dystirnar í 1. umfari, og nú er greitt, hvørjir dystir verða spældir 24. apríl, og hvørjir dystir verða spældir 25. apríl, sum er flaggdagin.
Mikudagin 24. apríl
FC Suðuroy – TB
KÍ – HB
B71 – AB
FC Hoyvík – Víkingur
Hósdagin 25. apríl (flaggdagin)
EB/Streymur – 07 Vestur
B36 – Skála
B68 – ÍF
Hetta hevur samstundis við sær, at tillagingar eru gjørdar í landskappingini í bæði 1. deild og í Betrideildini. Í 1. deild er dysturin millum FC Suðuroy og B71, sum skuldi vera sunnudagin 21. apríl, framskundaður til leygardagin 20. apríl.
Í Betrideldini verða dystirnir í 7. umfari millum 07 Vestur og HB, og Skála og B68, sum skuldu vera sunnudagin 28. apríl, fluttir til mánadagin 29. apríl, meðan dysturin millum EB/Streym og KÍ er fluttur til týsdagin 30. apríl.
