Nógvir danir eru ímóti at brúka evruna ístaðin fyri krónuna, og sambært einari nýggjari meiningakanning hevur mótstøðan ímóti felags evropeiska gjaldoyranum ongantíð verið so stór sum nú.
Í kanningini, sum Rambøll hevur gjørt, svara 48,3 prosent, at tey vilja ikki hava evruna, meðan góð 45 prosent siga, at tey høvdu atkvøtt fyri, um spurningurin var til fólkaatkvøðu nú.
Í einari tilsvarandi kanning fyri einum ári síðani vóru góð 46 prosent fyri evruni, og í 2003 vóru bara umleið 30 prosent ímóti.
Ein orsøk til ta veksandi donsku mótstøðuna er, at flestu danir vilja varðveita avgerðarrættin í gjaldoyramálum. Harafturat vísa meiri enn 15 prosent av teimum spurdu á, at fíggjarkreppan hevur avdúkað veikleikar í tí evropeiska gjaldoyrasamstarvinum.
