Tað er listakvinnan Lív Ejdesgaard, sum hevur evnað standmyndina, ið kallast Vónarinnar Ljós.
Standmyndin er til øll, sum hava mist, og er ein møguleiki at steðga á eina løtu og leggja merki til, hvussu ljósið eisini vinnur á sorgini.
Umframt avdúkingina verða røður og tónleikur á skránni.
Eisini verður bjóðað suppa, kaka og drekkamuður.
– Øll eru hjartaliga vælkomin, skrivar Runavíkar kommuna.
