Landsliðskiparin, Pernille Brandenborg sleppur at royna seg í Final Four í norsku steypakappingini.
Pernille og liðfelagarnir í Storhamar vunnu á heimavølli í OBOS Arena høllini 21-17 (10-8) á Byåsen.
Pernille fekk tríggjar møguleikar at skjóta mál, og hon setti allar tríggjar í netið.
Hini trý liðini, ið hava vunnið seg í Final Four eru Molde, Oppsal og Larvik.
Komandi sunnudag klokkan 17.15 spælir Storhamar á útivølli toppdyst í bestu norsku hondbóltsdeildini móti Sola í Stavanger.
