Flestu partrolarapør eru til fiskiskap. Skipini fiska upsa, og tey fáa eisini nakað av hjáveiði.
- Partrolararnir koma inn at landa, sum næsta vika gongur, men fiskiskapurin er smáligur, vita tey á Fiskamarknaði Føroya at siga.
Í løtuni er bara ein djúpvatnstrolari til fiskiskap. Skipið fiskar kongafisk og kemur væntandi inn at landa miðskeiðis í næstu viku.
Allir teir smáu trolbátarnir liggja við bryggju, men møguliga fer onkur út um vikuskiftið.
- Tvey garnaskip fiska svartkalva, men skipini hava vánaligan fiskiskap. Annað skipið landar mánadagin, hitt hósdagin.
Lagt verður aftrat, at eitt garnaskip fiskar havtasku. Fiskiskapurin er brúkiligur, og skipið kemur inn at landa mánadagin.
