Tað boða londini bæði frá í felags fráboðan leygardagin, sambært tíðindastovuni Reuters.
Vápnahvíldarsáttmálin varð undirskrivaður eftir tríggjar dagar við samráðingum millum tey bæði landsynningssiatisku grannalondini, sum hava verið í hørðum bardøgum fram við markinum í fleiri vikur.
Vápnahvíldin kom í gildi leygardagin klokkan 12 lokala tíð, stendur í fráboðanini. Hetta svarar til klokkan 5 okkara tíð.
Amerikanski forsetin, Donald Trump, var saman við Malaysia við til at samráðast um vápnahvíld millum Tailand og Kambodja, tá ein gomul ósemja um valdið fram við felags markinum kyknaði aftur í juli.
/Ritzau/
