Teir báðir føroysku hondbóltsleikararnir í Reykjavík, Rógvi Dal Christiansen og Vilhelm Poulsen, fingu í gjárkvøldið fyrsta stigið í fremstu íslendsku deildini
Liðið hjá føroyingunum, Fram, javnaði í evstu løtu til 27-27 ímóti Afturelding, sum hevði verið á odda 13-11 í hálvleikinum.
Sambært visir.is, var føroyski høgri bakkurin, Vilhelm Poulsen, ímillum teir bestu á vøllinum. Hann skoraði fimm mál.
Strikuleikarin, Rógvi Dal Christiansen, var eisini í brennideplinum. Eftir dystin talaði Fram-venjarin, Basti Alexandersson, at viðferðini, sum føroyski strikuleikarin fekk frá dómarunum.
- Eg eri ikki dómari, men eg haldi ikki at okkara strikuleikari verður rættvíst viðfarin. Tað eru ikki farin tvey umfør enn, men fjølmiðlar og aðrir venjarar eru longu farnir at lýsa hann sum okkurt beist. Eg haldi at tað hevur ávirkan.
- Loyvið manninum at spæla nakrar dystir áðrenn tit døma hann. Menn hanga í honum, og hann fær einki.
- Men eg eri ikki dómari og eg skal ikki avgera hvat er rætt og skeivt, sigur Sebastian Alexandersson við visir.is
Næsti dystur hjá Fram er fríggjadagin 25. september ímóti FH.
Hitt føroyingafelagið í fremstu íslendsku mansdeildini, KA, spælir ímóti Selfossi í kvøld klokkan 19.30.
Í fremstu kvinnudeildini spæla Haukar og Annika Fríðheim Petersen ímóti FH í morgin.
Les eisini á in.fo:
Rógvi og Vilhelm til Íslands at spæla
Útisetar: Tríggir føroyingar vunnu á tveimum í Íslandi
Støðan í Ólisdeildini hjá monnum (hsi.is):
| Nr | Lið | Dystir | S | J | T | Mál | Munur | Stig |
|---|---|---|---|---|---|---|---|---|
| 1 | Afturelding | 2 | 1 | 1 | 0 | 51 | 2 | 3 |
| 2 | ÍBV | 1 | 1 | 0 | 0 | 38 | 7 | 2 |
| 3 | Valur | 1 | 1 | 0 | 0 | 33 | 3 | 2 |
| 4 | KA | 1 | 1 | 0 | 0 | 23 | 2 | 2 |
| 5 | Selfoss | 1 | 1 | 0 | 0 | 27 | 1 | 2 |
| 6 | Haukar | 1 | 1 | 0 | 0 | 20 | 1 | 2 |
| 7 | Grótta | 2 | 0 | 1 | 1 | 44 | -1 | 1 |
| 8 | Stjarnan | 2 | 0 | 1 | 1 | 51 | -1 | 1 |
| 9 | Fram | 2 | 0 | 1 | 1 | 48 | -2 | 1 |
| 10 | Þór Ak. | 1 | 0 | 0 | 1 | 22 | -2 | 0 |
| 11 | FH | 1 | 0 | 0 | 1 | 30 | -3 | 0 |
| 12 | ÍR | 1 | 0 | 0 | 1 | 31 | -7 | 0 |
Støðan í Ólisdeildini hjá kvinnum (hsi.is):
| Nr | Félag | Dystir | S | J | T | Mál | Munur | Stig |
|---|---|---|---|---|---|---|---|---|
| 1 | Valur | 1 | 1 | 0 | 0 | 31 | 8 | 2 |
| 2 | Stjarnan | 1 | 1 | 0 | 0 | 29 | 8 | 2 |
| 3 | Fram | 1 | 1 | 0 | 0 | 25 | 1 | 2 |
| 4 | ÍBV | 1 | 0 | 1 | 0 | 21 | 0 | 1 |
| 5 | KA/Þór | 1 | 0 | 1 | 0 | 21 | 0 | 1 |
| 6 | HK | 1 | 0 | 0 | 1 | 24 | -1 | 0 |
| 7 | Haukar | 1 | 0 | 0 | 1 | 23 | -8 | 0 |
| 8 | FH | 1 | 0 | 0 | 1 | 21 | -8 | 0 |
