Amerikanski forsetin, Donald Trump, er enn einaferð bjartskygdur - hesaferð um friðarsamráðingarnar, sum eru í Miðeystri.
Í kvøld veit hann at siga, at "... Hamas gongur við til mál, sum eru sera týdningarmikil" í samrøðum um vápnahvíld og umbýti av fangum.
Norska kringvarpið sigur í kvøld, at óbeinleiðis samrøðurnar millum ísraelsk og palestinsk samráðingarfólk byrjaðu í dag og eru í Egyptalandi.
- Í samráðingunum luttaka umboð fyri Hamas, Ísrael, Katar og USA, veit NRK at siga.
Og Donald Trump er eftir øllum at døma bjartskygdur um gongdina higartil.
- Eg haldi, at vit gera stór framstig í samráðingunum, sigur hann í kvøld sambært norska kringvarpinum.
