Trý fólk eru deyð í einari flogvanlukku í Íslandi, har eitt lítið flogfar er niðurdottið.
Íslendskir miðlar vita at siga, at bjargingartyrlur hava funnið vraklutir eftir vanlukkuna.
Flogfarið sendi út neyðarakall klokkan 17 seinnapartin í gjár.
Slakar tveir tímar seinni vórðu vraklutir av flogfarinum funnir, og tey trý fólkini vórðu staðfest deyð.
Sagt verður, at vanlukkan hendi í øki, ið mest sum er óbygt.
Tey, sum lótu lív í vanlukkunu, vóru flogskipari og tvey ferðafólk. Nú roynir íslendska løgreglan at finna út av, hví vanlukkan hend.
